ఎంబ్రాయిడరీ చీర

చిన్నప్పటి నుండి కుట్లు అన్నా, అల్లికలు అన్నా నాకు చాలా యిష్టం. మా పైన యింటిలో కుమారి ఆంటీ అని ఒక ఆవిడ వుండేవారు. ఆవిడకి రాని కుట్లు అంటూ లేవేమో అని  నా అభిప్రాయం. ఎప్పుడు ఏదో ఒకటి కుడుతూనే వుండేవాళ్ళు. ఎక్కువగా ఆవిడ కచ్వర్క్ కుట్టేవాళ్ళు. నాకు అన్ని కుట్లు రావు కాని బేసిక్ కుట్లు కొన్ని వచ్చు. కాని ఆవిడ కుడుతున్నవి అన్ని బాగా ఫాలో అయ్యి చూసేదాన్ని. ఆవిడకి కూడా తెలుసు నాకు వీటి మిద యిష్టం వుంది అని.             చదువుకునే రోజులు కదండీ ఎక్కడ కుదురుతుంది మనకి చెప్పండి.... కాని వేసవి సెలవలకి ముందే ఆవిడకి చెప్పిపెట్టేదాన్ని 'ఆంటీ యిసారి డ్రెస్ మీద డిజైన్ వేద్దాము అనుకుంటున్నాను' అనో లేక 'చీర మిద వేయాలి' అనో చెప్పేదాన్ని. ఆవిడ కి నాకు ఏ రంగులు యిష్టమో, ఏ designs యిష్టమో అన్ని తెలుసు. తేలిక అయిన చక్కటి కుట్లు నేర్పేవాళ్ళు. యింక సమ్మర్ అంతా అలా ఒక ప్రాజెక్ట్ పూర్తి చేసేదాన్ని. కార్బన్ పేపర్ తో ముందుగా డిజైన్ను చీర మిద వేసుకుని ఆ తరువాత కుట్టు మొదలు పెట్టేదాన్ని.      సాధారణంగా కుట్లు నేర్చుకోవాలి అంటే ఎవరు అయిన నేర్పితే రావాలి. పుస్తకం లో బొమ్మలు వేసి చూపినా అవి అంత క్లియర్ గా వుండవు, అర్ధము కాదు. http://www.needlenthread.com/ అని ఒక వెబ్సైటు వుంది. దానిలో వీడియో సెక్షన్ కు వెళ్లి చూడండి. చాలా బాగా అన్ని కుట్లు ఎలా కుట్టాలో పొందుపరిచి ఉంచారు. మనకు తెలీని చాలా కుట్లు అందులో వున్నాయి. ఒక dictionary లాగా వుంది అది నాకు.  కుట్ల పేర్లు మనకి తెలుగులో తెలుసు కాని వాటిని exact గా ఇంగ్లీష్ లో ఎలా అంటారో తెలిదు కాని ఆ వీడియోలు చూస్తే పేర్లు కూడా తెలుస్తాయి. నిజంగా కుట్లు, అల్లికలు, ఆర్ట్లు యిష్టం ఉన్నవాళ్ళకి ఈ వెబ్సైటు చాలా ఉపయోగకరం. తప్పకుండా నచ్చితీరుతుంది.

          ఈ కింద చూపించిన చీర చూడండి. నాకు బాగా నచ్చిన రంగు అది. ఆవిడ చూపించగానే టక్ మని తీసేసుకున్నాను. ఒక్కోసారి చీర కూడా ఆవిడే సెలెక్టు చేసి పెట్టేసేవారు. అప్పటికి అప్పుడు ఆ డిజైన్ కు కావాల్సిన కుట్లు నేరిపించేవారు ఆవిడ.  అన్ని మనం గుర్తు పెట్టుకోలేము కదా.  

 దీన్ని shaded దారం తో కుట్టాను. అంటే mixed కలర్ దారం అనమాట. ఈ చీరలో మొత్తం మూడు కుట్లను ఉపయోగించాను. 'చాపముల్లు కుట్టు', 'కాడ కుట్టు',  'దార్వాడి కుట్టు'. ఎక్కువ భాగం దార్వాడి కుట్టును ఉపయోగించాను. యిది చాలా తేలిక.  దారం రెండు వరసలు తీసుకున్నాను.

ఒక నెల రోజులలో కుట్టటం అయిపోయిన్దనుకుంటా. దాదాపు ఒక పది సంవత్సరాల క్రితం కుట్టిన చీర యిది.