షాట్ గ్లాస్ కలెక్షను

కాదేది కవిత కి అనర్హం అన్నట్లు నా దృష్టిలో కాదేది కలెక్షను కు అనర్దం. మనము ఏది కల్లెక్టు చేస్తే అదే ఒక హాబీ. మొదలు పెట్టేటప్పుడు యిది అని అనుకుని మొదలు పెట్టలేదు కాని అదే ఒక పెద్ద హాబీ అయి కూర్చుంది నాకు. ‘నాకు స్టాంపు కలెక్షను హాబీ, నా దగ్గర వివిధ దేశాల కరెన్సీ బిల్లులు వున్నాయి’ అని జనాలు అనటం మీరు వినే వుంటారు.  అది ఒకప్పటి సంగతి. యిప్పటి నా సంగతి చదవండి....
 

                  2004 లో మేము ఫ్లోరిడ ట్రిప్ లో భాగంగా Orlando , Keywest అని రెండు ప్రదేశాలకు వెళ్ళాము. సరే ఆ ప్రదేశాలన్నీ చూసాక Gifts Shops లో మంచి sovenier ల కోసం వెతకటం ప్రారంభించాను. వాటికి కొదవేంటి చెప్పండి రకరకాలు వుంటాయి. మనము కొనాలే కాని వెల కూడా అలాగే వుంటుంది అనుకోండి. అలా వెతుకుతూ వుంటే ఒక చోట 'Keywest ' అని పేరుతో రాసి ఉన్న చిన్న గ్లాసు కనపడ్డది. భలే ముద్దు గా అనిపించింది. అసలు నాకు అది ఏమిటో, దేనికి వాడతారో కూడా తెలియదు. మా ఆయన్ని అడిగాను. అది liquor అది తాగటానికి కొలతగా వాడుతారు అని చెప్పారు. ఓహో

అనుకున్నాను, కాని దాన్ని చూడగానే నచ్చేసి కొనేసాను. ఆ ట్రిప్పు లోనే ఓర్లాండో లో ' Universal Studios' కి వెళ్ళినప్పుడు  అక్కడ షాపు లో కూడా యిలాగే ‘Universal Studios, Florida’  అన్న పేరుతో ఉన్న గ్లాసు చూసి అనుకున్నాను 'ఓహో యిలా ప్రతి చోట, ఆ ప్రదేశానికి సంబంధించిన గ్లాసులు వుంటాయి కాబోలు' అని. అప్పుడు అనిపించింది నాకు 'ఎందుకు నేను యి గ్లాసులని కల్లెక్టు చేయకూడదు ' అని.  అది మొదలు ఎక్కడికి వెళ్ళినా వాటికి సంబందించిన గ్లాసులు కొనటం ప్రారంభించాను. ముందు అయితే నేను చూసిన, వెళ్ళిన ప్రదేశాలకి సంబందించిన గ్లాసులు  మాత్రమె కోనేదాన్ని. తరువాత అమెరికా లో నేను తిరిగిన రాష్ట్రాల  గ్లాసులు కొనాలి అని.... యిలా పెంచుకుంటూ పోయాను. యిప్పుడు అయితే యిక నేను చూడని ప్రదేశాలకు సంబందించినవి కూడా నా కలేక్షనులో చేరుతున్నాయి. ఎప్పటికి అయినా ఆ ప్రదేశాలు చూడలేకపోతానా అని నా ఆశ. 

           ఆ మధ్య మా ఆఫీసులో ఒకతను స్కాట్లాండ్ వెళ్తుంటే 'ఒక గ్లాసు తెచ్చిపెట్టు బాబు' అని అడిగాను, తెచ్చిపెట్టాడు. అలాగే ఒక ఆయన స్పైన్ వెళ్ళాడు. 'బాబ్బాబు' అన్నాను. 'విత్ ప్లెజర్' అన్నాడు. వేరొక అతను carabian కి cruise లో వెళ్ళాడు. 'ఒరేయ్ నాయనా అక్కడ నువ్వు ఎన్ని islands చూస్తే అన్ని పట్టుకోచ్చేయ్యరా' అన్నా. మొత్తం 6 తెచ్చాడు(అంటే వాడు 6 దీవులు చూసాడు అని అర్ధం).  అలాగే egypt  ,   తైవాన్ ల నుండి కొన్ని చేరాయి నా కలేక్షనులో.

ఈ మధ్యన మా వారు                ఎక్కువగా  clients places కి వెళ్ళటం మూలాన నా కలేక్షనులో కౌంట్ త్వరగా పెరుగుతోంది. పోయిన వారమే ఆయన Portarico , కరేబియన్ దీవులకు వెళ్ళటం, అక్కడ గ్లాసులు తేవటం కూడా జరిగింది. కొత్తది కల్లెక్టు చేసినప్పుడల్లా అనుకుంటా ఎప్పటికి అయినా యీ ప్రాంతం చూడకపోతాన అని. మన చేతిలో లేదు కదా ఏదిను....

           యిక పోతే యి షాట్ గ్లాస్ లు పెట్టుకోటానికి డిస్ప్లే కేసులు  గురించి మాట్లాడటానికి వస్తే అవి కొనే కంటే, ఒక చిన్న సైజు ట్రిప్పు ప్లాన్ చేయవచ్చు అనిపిస్తోంది. మెల్లగా ఒకటి చూసి కొని వీటిని డిస్ప్లే లో పెట్టాలి. దాని మీదే వర్కౌట్ చేస్తున్నా....